تعليم الكروشيه للمبتدئين من الصفر للاحتراف
ماهو الكروشيه ؟ وكيف تتعلم الكروشية للمبتدئين و المحترفين؟
تعريف فن الكروشيه:
من اكتر الفنون الممتعة والمبهجة واللى مؤخرا انتشر كورسات كتييير فيها وبدأ يزيد الابداع عن سابقه
يعني اي كروشيه ؟
الكروشيه أو التريكو هو احد فنون الحياكة أو لف الخيط بالإبر الصغيرة وهي عبارة عن إبرة خاصة لها شكل معكوف نسميها عادة بالصنارة. والخيوط المستخدمة متعددة، وتتنوع الخامات المستخدمة من القطن، إلى الصوف والحرير و خيط التشيرت المعروف باسم الكليم وغيرها.
وفي المقال دا جمعتلكم بعض المصادر اللى ممكن من خلالها تتعلم الكروشيه من الصفر مع توضيح لمحتواها ورايي فيها
مصادر تعليم الكروشيه للمبتدئين:
1- اول مصدر انا اتعلمت منه هو (قناة كافيه كروشيه ) على اليوتيوب
ودا اول كورس فيها لتعليم الكروشيه للمبتدئين
دروس تعليم الكروشيه للمبتدئين: للحصول على كورس تعليم الكروشيه للمبتدئين اضغط هنا
(هتلاقوا في الكورس دا فيديوهات بالادوات والغرز الاساسية واساسيات الكروشيه بشكل عام)
انا بحثت عن كذا مصدر تاني للاساسيات عربي وانجلش بس مافيش حاجه عجبتني اكتر منه بسبب الشرح المبسط فيه فمش هحط مصادر غيره للاساسيات
وممكن بعد ما تخلصوه على نفس القناة تجربوا كروشيه ورود عشان تدربوا فيها ايدكم ع الغرز اكتر
كروشيه ورود - قناة كروشيه كافيه : من هنا
خلصنا اول كورس واتعلمنا الاساسيات ودربنا ايدنا شوية؟
ندخل بقى ع الخطوة التانية
2- عادة اكتر حاجة بتكون صعبه على اي حد بيتعلم الكروشيه فى البدايه هو ان مبيكنش عنده صبر للمشاريع اللى محتاجه شغل ووقت كتير..
وعشان كدا جبتلكم كام مصدر هتلاقوا عليهم مشاريع بسيطه متاخدش منكم وقت كتير وعمليه وشكلها مبهج وهتديكم احساس بانكم عملتوا حاجه كبيرة
موقع رام كروشيه (موقع باترونات مكتوبه بالعربي والانجليزي مش فيديوهات لكنها مكتوبه باسلوب سهل يفهموا ال اخد الكورس بتاع الاساسيات من كافيه كروشيه)
لينك الموقع : موقع رام كروشيه
فيديوهات مشاريع كروشيه بسيطه : من هنا
خلصنا الحاجات البسيطه ودربنا ايدنا واستوعبنا الغرز اكتر وبقينا عارفين نشتغل بيها؟
ندخل ع التقيل بقى
3- هنا مصادر تعليم كروشيه لحاجات مختلفه ومشاريع اكبر زي اللبس والشنط ولبس الاطفال والدمى والاحذية وباشكال مختلفه وحلوووة جدا
كروشيه اطفال : من هنا
كروشيه شنط : من هنا
كروشيه دمى : من هنا
كروشيه احذية : من هنا
كروشيه ملابس : من هنا
فيه كمان الكورس دا من edumefree لتعليم الكروشيه من الصفر للاحتراف
وممكن يغنيكم عن الفيديوهات اللى فوق دي كلها، شوفوا الاتنين والاريح ليكم واللى تستوعبوا منه اكتر كملوا فيه
دي بعض الحاجات اللى ممكن تفيدكم فى تعلم الكروشيه وانتوا اكيد وانتوا بتشوفوا وتجربوا هتلاقوا حاجات تاني افضل واكتر وهتعرفوا تختاروا القناوات اللى تتابعوها على اليوتيوب .
وبجانب دا شوفوا جروبات ع الفيس خاصه بالكروشيه وانضموا ليها وتابعوا صفحات بردوا وحاولوا طول الوقت تخلوا الحاجه اللى حابين تتعلموها قدام عينكم بكل الطرق
وفي النهايه اتمنى اكون افدتكم ولو بحاجه بسيطه
وربنا يوفقكم وتبدعوا
كتبها لكم : Mona Gamal