-->

خطوات تعلم اللغة الانجليزية من منزلك فى 4 خطوات بسيطة!

تعلم اللغة الانجليزية من المنزل 

تعلم اللغة الانجليزية اصبح شئ اساسى في حياتنا, وبتكون رحله ممتعه كفيله انها تغير حياتك ,لانها هتعلمك من احسن المصادر فى الدنيا , هتخليك تنفتح على العالم كله , تعرف ثقافات جديده وتكون صداقات من جميع انجاء العالم لان الانجليزى هو اللغه الاولى فى العالم كله من حيث الاستخدام فى الحياه العمليه. ومش بس كده انت لو بتتكلم انجليزى كويس هتلاقى مجالات وفرص شغل كتيييير بمرتب كويس جدا حتى لو من بيتك.


خطوات تعلم اللغة الانجليزية من منزلك


هنتعلم فى المقاله دى افضل الطرق لتعلم اللغة الانجليزية  

طب ايه احسن واسرع طرق لتعلم واتقان الانجليزى ؟ باختصار هى كلمه وحده بس

" Immersion “

يعنى انك تغوص وتنغمر و تعيش الانجليزى واهل الانجليزى وثقافتهم . ولكن المشكله هنا ان مش كل الناس عندها الفلوس او الوقت اللى يساعدها تسافر وتعاشر اللغه واهلها و ده بالظبط هو موضوع مقالاتنا النهارده لاننا هنقدملكم الحل اللى يوفر عليك كل ده وهنعرفك ازاى تتعلم انجليزى من بيتك حتى لو لابس البيجامه.

 وفى اكتر من طريقه وادوات تساعدك انك تعيش اللغه وتختلط بيها وبثقافتها ايا كان المكان اللى عايش فيه .

نفسك تتعلم انجليزى من بيتك وانت لابس بيجامتك ؟

ايوه بالبيجامه زى ما قريت كده لانها اكتر حاجه مريحه فى اللبس وعشان تكون مجبر تذاكر من بيتك , لانك اكيد مش هتنزل تدرس فى اماكن تعليم انجليزى بالبيجامه وكمان لان اغلبنا مش معاه تكلفه فلوس الكورسات دى فعشان كده هنتكلم المقاله دى فى طرق تساعدك ازاى تتعلم انجليزى من بيتك

ممكن تكون قلقان دلوقتى وعمال تفكر ازاى هتعلم انجليزى من البيت ؟
 طب هعرف ازاى انى بتحسن وبنطق صح ؟ 
طب مين هيصلح اخطائى ؟ طب ابدا بانهى مصدر من كل المصادر الموجوده على النت ؟ وغيرها كتير من الاسئله

على الرغم ان تعلم الانجليزى ابسط واسهل وامتع بكتير لو عملته بالطريقه الصح واستخدمت الادوات المناسبه ليك هتكون فى طريقك لاتقان الانجليزى من بيتك. هنشارك معاكم خطوات عمليه تقدر تطبقها بعد ما تخلص قراءه على طول.

1/ اتعلم من المسلسلات 

زى مثلا

 " The Simpsons”


ده مسلسل انمى كوميدى مشهور فى العالم كله وبيناقش قضايا كتير بشكل كوميدى مش بس مسلسل كوميدى او هيعلمك ثقافه مهمه جدا , لا ده كمان بيعرض كل الجوانب فى الحياه اليوميه زى " المدرسه واسلوب التعليم هناك – الشغل – الاجتماعيات وغيرهم " وكمان هتتعلم منه تعبيرات وجمل حياتيه كتير الشعب الامريكى بيستخدمها فى حياته اليوميه كتير.


لا يفوتك: افضل 7 مسلسلات لتعلم اللغة الانجليزية بطريقة ممتعة


المسلسل التانى اللى بنشرحه هو مسلسل

" Friends “
مسلسل معظمنا سمع عنه او سمع الاسم ده قبل كده من اشهر المسلسلات اللى اتعملت حتى الان مسلسل كوميدى بيحكى عن حياه 6 شباب صحاب 3 ولاد و3 بنات و بيعرض حياتهم الشخصيه وعلاقاتهم ببعض ومن اكتر المسلسلات المرشحه بشده عشان تتعلم انجليزى عملى وتحسن نطقك وثقافتك فى اللغه الانجليزيه. وكمان المسلسل موجود بترجمه عربى وانجليزى يعنى ملكش حجه .

2/ اكتب صفحه او اتنين يوميا بالانجليزى

الكتابه من امتع واحسن الطرق اللى تقدر تحسن من خلالها الانجليزى بتاعك على المستوى المهنى , عود نفسك انك تكتب كل يوم خواطر ليك او تحكى موقف حصل فى حياتك اليوميه بالانجليزى يفضل لا يقل عن صفحه وكل شخص حسب استطاعته وده هيحسن عندك الجرامر جدا وموهبه الكتابه عندك هتتحسن بشكل ملحوظ . وحاول تشوف حد متخصص او مستواه كويس فى اللغه تعرض عليه كتابتك ويصححلك اخطاءك وتتعلم منها .

3/ اقرأ كتب ممتعه وسهله بالانجليزى

القراءه من احسن وامتع الطرق لتعلم الانجليزى ومش بس كده دى كمان من افضل الطرق انك تقضى وقتك بطريقة فعالة وتطور من نفسك. ويا سلام لو تقرا حاجات انت شغوف بيها زى مثل قصص نجاح لناس بتحبهم . روايات بتحبها زى مثلا:

* "سلسله هارى بوتر " : هى عباره عن سبع اجزاء , الجزء الاول بيكون سهل وتقدر تبدا فيه لو مستواك مبتدا او متوسط لان الجزء الاول ممتع وكلماته بسيطه وكل جزء الصعوبه بتزيد , يعنى لو مستواك عالى تقدر تقدر من الجزء الخامس للسابع.

 “ Charlie and The Chocolate Factory “*

لمحبى وعشاق الشيكولاتة لازم تقروا سلسة الكتب دى سلسله ممتعة جدا وسهلة للاطفال و البالغيين . اترجمت لاكتر من لغة و كمان موجوده مسموعه يعنى تقدر تقرا وتسمع فى نفس الوقت وده افضل كتير طبعا.

4/ كلم نفسك .

لا مش قصدى تكلم نفسك زى المجانين..
جزء من اكتساب اللغه هو انك تتغلب على خوفك وتبنى ثقه كبيرة لما تيجى تتكلم انجليزى .
كلنا عارفين ان الممارسه بتخليك واثق فى نفسك وبتحسن من مستواك جدا.
 طب ايه رايك لو تدخل تحدى مع نفسك جديد بانك تسجل لنفسك وانت بتتكلم انجليزى سؤاء فيديو او ريكود ؟

لو تفتكر طريقه اكتساب الانجليزى من الافلام اللى شرحناه بالتفصيل فى المقالة دى

وذكرنا ان اخر خطوه هى انك تسجل لنفسك وتقارن نطقك بنطق المتحدث الاصلى للغة ولما هتعمل كده هتشوف اخطاءك ونقط ضعفك فين وتشتغل عليها لحد ما تنطق صح ..

كده انت عرفت 4 طرق تقدر تطبقهم دلوقتى حالا عشان تتعلم انجليزى من البيجامه فى البيت وبعدها هنقدر نقولك بكل ثقه " البيجامة غيرتك يا على "

يلا قولنا هتبدا باية ؟


للحصول على الكورس المجانى اضغط هنا

 ازاى العزله غيرت حياتى 180 درجه لما استخدمتها صح 

 لو حابب تنضم للجرب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "