هل اقدر احول هوايتى لمصدر دخل من الانترنت؟ (الربح من موهبتك)
هل اقدر احول هوايتى لمصدر دخل وبيزنس ليا ؟
سؤال بتجى فى بالنا كتير، وفى المقالة دى هقول الاجابة كاملة، وازاى فعلا تحول هوايتك لمصدر دخل!هتسمع كلام كتير اوى عشان تبدأ البيزنس الخاص بيك وهتلاقى ناس تقولك مواصفات، وطرق كتييير عشان تبدأ، زى مثلا: الإصرار - العزيمة - المعرفة - الالتزام - الابداع ... وغيرهم من العوامل المهمة جدا
ولكن فى رائي أهم، وأول حاجة لازم تكون موجودة عندك هى : الشغف "Passion"
لأن الشغف هو اللى هيخليك تصحى كل يوم الصبح وأنت مبسوط، الشغف هيخليك تواجة الصعوبات، والتحديات بقلب جامد
الشغف هو اللى هيخليك تتعلم وتسعى وأنت مبسوط، هتلاقى التعب فى حاجه بتحبها ممتع جدا جدا
وعشان كده اغلب الناس بتلجأ لحاجة أو مجال بتحبه عشان تبدأ فى بيزنس، وأحسن حاجة تدور فيها على شغفك، وانك تكون مهووس بيها، هى مواهبك وهوايتك ..
ونظريا إنك تحول هوايتك لمصدر دخل وبيزنس دى حاجه فى حد ذاتها ممتعة جدا، لأنك اكيد بتحب هوايتك، واكيد عندك معرفة كبيره بيها وبتمارسها من زمان ومتميز فيها، والحاجتين دول المفروض يعملو ليك بيزنس ناجح صح؟
ولكن الاجابة مش ديما، لأن احيانا انك تحول هوايتك لمصدر دخل، ده شئ جميل وممتع، واحيانا تانى ده شئ صعب جداً، ومدمر فى بعض الحالات ..
ولو بتفكر تحول هوايتك لمصدر دخل، يبقى فى كام حاجه لازم تاخد بالك منها قبل ما تبدأ:
1/ هوايتك لازم تكون واقعية:
كلنا عندنا هوايات بنحبها، وبعض الناس بتقدر تحول اى هواية ليها لبيزنس، ولكن عشان تبدأ بيزنس يكون واقعى ويدخلك مصدر دخل ثابت، لازم تكون صادق جدا مع نفسك وهوايتك تكون واقعية ..يعنى باختصار اسال نفسك هل هتقدر تخلى البيزنس ده شغال من غير وجودك؟
وخليك فاكر إن البيزنس الحقيقى هو اللى يكون شغال، ومستمر حتى لو صاحبه مش موجود، فلو حولت هوايتك لبيزنس من غير ما تقدر تشغلة من غير وجودك يبقى كده هو مش بيزنس ثابت.
2/ فكر بره الصندوق، فكر باختلاف وإبداع:
لو مش عارف ازاى تحول هوايتك لمصدر دخل، يبقى لازم تفكر بره الصندوق، ومش بطرق تقليدية
خليك مبدع فى تفكيرك واقرا كتييير فى مجال هوايتك ده وشوف قصص نجاح فى مجالك وهتلاقى فكره ملهمة جاتلك
بس بلاش تفكر بالطرق التقليدية وصدقنى لما تسعى وتقرا كتير وتفكر باختلاف هتلاقى بدل الفكرة مليون..
3/ الهوايات ممتعة، البيزنس لا:
انك تبدأ بيزنس من هوايتك، مش شئ سهل، وعالم البيزنس عمتا صعب وبيحتاج مجهود كبير جدا، وتجارب وفشل كتير، واستمرارية والتزام، و تعب وارهاق وقلق ..
ولازم تبقى عارف ده قبل ما تبدأ تحول هوايتك لبيزنس، ولازم تبقى عارف كمان ان لذه المتعة اللى بتحسها من هوايتك، هتختفى شويه فى عالم البيزنس، وده اللى بيوقف ناس كتير عن انهم يحولوا هوايتهم لمصدر دخل..
على سبيل المثال، لو انت بتحب التصوير عشان انت فنان وبتشوف الاشياء اللى حواليك بطريقة مختلفة، وعشان تحول التصوير لمصدر دخل، ده هيخليك ملتزم بوقت معين لتسليم الشغل، وازاى تتوفر احتياجات المستهلك بتاعك، هنا اللذه بتختفى شوية، ومش بيكون عندك الوقت عشان تحس بنفس اللذه بتاع زمان، لأن فى شغل محتاج يتسلم فى وقت معين ..
انا مش بحاول أخوفك أو اقولك بلاش تحول هوايتك لبيزنس ومصدر دخل، بس انا بفتح عينك على الواقع شوية عشان تكون عارف ان الطريق صعب ومش سهل وتكون جاهز لكده قبل ما تبدأ
انا مش بحاول أخوفك أو اقولك بلاش تحول هوايتك لبيزنس ومصدر دخل، بس انا بفتح عينك على الواقع شوية عشان تكون عارف ان الطريق صعب ومش سهل وتكون جاهز لكده قبل ما تبدأ
4/ خد الموضوع على محمل الجد:
لو عايز تحول هوايتك لمصدر دخل لازم تفكر فى الموضوع من وجهة نظر البيزنس، ولازم تتعامل معاه على انه مصدر دخل والتزام قبل حتى ما يكون مصدر دخل!يعنى لو انت شغال فى شركة ف إنت ملتزم بتسليم التاسكات فى وقتها المحدد، مطلوب منك عدد ساعات شغل معين، ده اللى عايزك تعمله حاليا مع هوايتك، اتعامل معاها بالتزام، وخطط ازاى تطورها عشان تكون كفأ انها تكون مصدر دخل ..
واللى بتكلم عنه هنا، هو تغيير فى العقلية بتاعتك، وتعاملك مع هوايتك، لازم تغير عقليتك ونظرتك ليها، اكتسب عقلية النمو عشان تقدر تتعلم و تطور فى هوايتك بشكل احترافى .. لأن لو فضلت بعقليتك الحالية مش هتوصل لحاجه ومش هتقدر تحول هوايتك لمصدر دخل ..
يعنى انك تكون كسيل وبتضيع وقت، ومش بتقرأ كل يوم فى مجال هوايتك كل ده مش هيخليك تعرف تحولها لمصدر دخل، تخلى عن كل العادات دى وتحلى بالقراءه والاجتهاد والصبر والتطوير، ومع الوقت هتكتسب عقلية النمو، وهتقدر تحولها لمصدر دخل بس الاول لازم
تتعلم ...
مره تانيه الكلام ده مش سهل، لا صعب جدا، وهتقابل صعوبات كتير، وهتحبط ومش هتلاقى تشجيع، بس لو عندك شغف، وهدف بجد هتعدى كل ده وهتبقى اقوى وهتتعلم كتير، وهتفرض شروطك على الحياة ..
بس بردو افتكر انك لو نجحت فى انك تعمل كده هتعيش حياه مميزة وممتعة جدا، زى ناس كتييير اوى فى مصر دلوقتى وفى العالم كله قدروا يحولوا هوايتهم، وشغفهم لمصدر دخل ثابت ..
مواضيع تخص الشغف:
لو حابب تنضم للجرب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "
مواضيع تخص الشغف:
لو حابب تنضم للجرب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "