شغل على النت بالدولار من البيت | خطة كاملة للبدء من الصفر!

قبل ما نبدأ خلينا نتفق ان الخطوات والاستراتيجية اللى هتعرفها فى المقال مش سهله ونتائجها بتظهر مع الوقت، يعنى لو بتدور على طرق الربح من الانترنت الغير شرعية، أو لو أنت من الناس اللي بتستعجل النتائج ومش عايزة تتعب فالمقال ده مش ليك!

اما لو عايز تبنى بيزنس يجيبلك دخل ثابت طويل المدى من خلال الانترنت من مجالك اللي بتحبه يبقى كمل قراءة بتركيز.

ازاى تستفيد من المقال؟

لو أنت طالب فا لو قدرت تتعلم بعض او أغلب المهارات اللى هقولها فى المقال ده خلال سنين الجامعة
اضمن لك ان هيبقى عندك دخل ثابت محترم وممكن تكبره براحتك ومش هتحتاج تكون موظف اصلا..

لو انت خريج او بتشتغل فا انت لو وفرت من وقتك كل يوم نص ساعة بس فى تعلم الخطوات المذكورة فى المقال ده
فاضمن لك ان بعد فترة لا تقل عن 6 شهور لسنة هتقدر يبقى عندك مدخل دخل محترم من حاجة بتحبها..

ايه المهارات اللي ممكن تجيب فلوس على النت؟

زى ما قولت قبل كده فى عصر الانترنت والثورة الرقمية اللى بنعيشها مبقاش فيه اى سبب يمنعك انك تبدأ تعمل بيزنس وتجيب دخل من الانترنت أيا كان مجالك اللى انت شاطر او متخصص فيه!

عشان يبقى عندك اونلاين بيزنس ثابت ومستقر محتاج حاجتين: (digital skills + digital assets)

 

نبدأ بالـ Digital Skills وهى المهارات الرقمية:

هقولك المهارات الاساسية وتبدأ تتعلمها وحده وحده على مهلك:

1. مهارة الكتابة بشكل عام وبشكل خاص اتعلم الاتنين دول “ blogging + copywriting “ (شوف الدليل ده)
2. مهارة التسويق من خلال وسائل التواصل الاجتماعى “ Social media marketing “ (ده تخصص هيساعدك تدخل المجال)
3. البرمجة “ مش لازم تبقى خبير ، اتعلم الاساسيات فقط " - هتلاقي هنا أفضل كورس برمجة للمبتدئين
4. تهيئة وتحسين محركات البحث SEO
5. الجرافيك ديزين - الويب ديزين
6. الـ video making عشان تعرف تعمل فيديوهات سواء على اليوتيوب او الفيس بوك وغيرهم
7. أهم مهارة فيهم بقى واللى من غيرها مش هتعرف تتعلم ال فوق دى وهى (self learning) انك تعرف تعلم نفسك بنفسك ..

ملحوظة مهمة جدا “ انت مش محتاج تتعلم كل المهارات دى مرة واحدة، انت ممكن تتقن مهارة او اتنين منهم وانا ارشح انك تتعلم الكتابة و التسويق وال SEO، وباقى المهارات ممكن تكون فريق من صحابك وكل واحد يتعلم مهارة معينة فيهم لحد ما يبقى شاطر فيها وتكملوا بعض فى الاخر، او تتعلم كل المهارات دى بس دى هياخد وقت بس هيخليك برنس وتقدر تعمل بدل البيزنس مليون “ 

ثانيا Digital Assets:

هقولك أهمهم اللى لازم تركز تبنيهم وحده وحده عشان تستخدم كل المهارات ال فوق دى ويخدموا على بعض ويطلعك فلوس ..

1. صفحات عليها متابعين مهتمين على وسائل التواصل الاجتماعي أهمهم الفيس بوك وتويتر وانستجرام
2. قناة على اليوتيوب (وهنا الكورس الشامل الخاص بيا، هيساعدك تنجح على اليوتيوب)
3. تعمل Personal Branding لنفسك من الاكونت الشخصى لو مش حابب تعمل صفحة ع الفيس بوك
4. قائمة بريدية تكون لناس مهتمين بالمجال ال شغال بيه ودى تعتبر "الكنز"
5. موقع او مدونة ودول سهلين مش قصة يعنى

ملحوظة مهمة جدا: “ كل ال digital assets دى مش هتعرف تبنيهم الا لما تقدم قيمة وعلم وخطوات عملية تساعد بيها الجمهور المستهدف بتاعك، يعنى شغل الاسبام و الخداع مش هيساعدك اطلاقا، فحاول تبدأ صح “

الربح من الانترنت الطرق الصحيحة:

حرفيا الفرص غير محدودة هقولك عن اللى جربتهم وانت لما تبدأ رحلتك هتكتشف مليون فرصة وفرصة المهم تكون مبدع ..

1- لما تعمل موقعك او مدونتك و تكتب عليها محتوى يفيد جمهورك المستهدف تقدر تشترك فى جوجل ادسنس وتحط اعلانات على الموقع وتكسب بالدولار ..

2- تكسب من عرض إعلاناتك على اليوتيوب، وفى أمثلة كتييير فى مصر مش برة لناس زيي و زيك اصبح اليوتيوب بالنسبالهم مصدر دخلهم الوحيد وتخلوا عن شغلهم القديم وبيكسبو فلوس من حاجة بيحبوها بدون قيود ..

3- تبيع منتج او خدمات مرتبطة بمجالك عن طريق "التسويق بالعمولة " وده مجال ناس بتكسب منه الاف الدولارات شهريا ومش مبالغة ..

4- تعمل خدمة او منتج اوفلاين وتبدأ تزود مبيعاتك عن طريق ال digital assets بتاعتك، سواء بقى كورس خاص بيك او منتج ملموس او خدمة معينة، كله حسب مجالك وخبرتك.

5- لو كبرت وبقى عندك Personal Branding كويس هتلاقى شركات كتيير بتعرض عليك تعملهم اعلانات وتحط المبلغ اللى انت عايزه ..

وفى طرق كتيير وغير محدودة وكل ما تكبر وتقدم قيمة وتحل مشاكل لجمهورك المستهدف كل ما فرصك تكبر ..

مصادر للبدء في الربح من الانترنت:

"المصادر في منها مجانى وفى منها مدفوع، اعتمد على الاتنين":

1- هنا فى شوية كورسات مجانية من يوديمي متعلقين بالمهارات ال شرحتها هنا: https://goo.gl/am1WR7

2- افضل كورس فى مجال الديجيتال ماركتينج وهيعلمك مهارات كتييير من ال فوق تقدر تحجزه من هنا: https://goo.gl/dvXxbf

3- لو عايز تبدأ تتعلم برمجة من الصفر، الكورس ده فى الخلاصة: https://goo.gl/eu7ocK
او من الموقع المجاني الرائع ده: https://www.youtube.com/watch?v=YYhBDx4Ln80

4- مجال ال SEO كورس مجانى لواحد من افضل الناس فى المجال ، البرنس " Neil Patel "
: https://bit.ly/2p1C81A

5- لو عايز تتعلم ال copywriting اتعلم من الموقع ده: http://www.abccopywriting.com/

6- كورس من الافضل مبيعا فى الفوتوشوب: https://goo.gl/Ug2dYc

7- لو عايز تعرف ازاى تلاقى أفضل مصادر فى اى مجال شوف الفيديو ده:

نصيحة العمر اتعلم ازاى تجيب ربح من الانترنت وتبنى مملكة ليك تجيبلك دخل ثابت و اوعدك انك هتلاقى فرص لا محدودة ودخلك هيزيد مهما كانت ظروف البلد وهتكون فى امان باذن الله ..

اتمنى كل واحد فيكم يبدأ يتعلم ويطبق ويسعى ويجتهد، والله لو طبقتوا الكلام ده، كل واحد فيكم هيبقى عنده مصدر دخل من الانترنت ويقدر يشتغل شغل بيحبه بس زى ما قلت لازم شوية صبر وتعلم مستمر..

ياريت متبخلش فى انك تشارك المقال مع كل حد انت شايف انه هيستفيد منه، عشان نبدا مع بعض نبنى عالم فيه اغلب الشباب بتشتغل فى حاجة بتحبها وبتستخدم النت صح بدل ما تضيع وقت عليه وتشتكى..