تحميل كتب pdf: موقع لتحميل الكتب الإلكترونية المدفوعة مجانا (طريقة شرعية 100%)

أنت تعرف إن كونك مصري أو مقيم بمصر بيتيح ليك الحصول على أفضل وأغلى الكتب الالكترونية في العديد من المجالات بشكل مجاني تمامًا وبطريقة شرعية .. يعني فرصة عظيمة جدًا علشان تطور من نفسك في المجال اللي بتحبه.

هنشرحلك طريقة كيفية تحميل الكتب الإلكترونية الغير مجانية بالتفصيل فاقرأ المقال بتركيز للنهاية..

كيفية تحميل كتب الكترونية مدفوعة بشكل مجاني

مبدئيًا مؤسسة Springer Nature أكبر ناشر للأبحاث، التقارير، والمقالات العلمية مفتوحة المصدر في جميع المجالات حول العالم
وموقع Apress الذي يحتوي على العديد من الكتب التقنية في عديد من المجالات المهمة مثل الجرافيك - البيزنس - لغات البرمجة وقواعد البيانات...الخ

قد يهمك أيضا: مكتبة الاسكندرية - تحميل 13 ألف كتاب مجانا فى جميع المجالات

الاتنين دول تعاونوا مع بعض وتم فتح الـ Access للمصريين بمعنى ان بما انك عايش في مصر تقدر تحمل اي كتاب pdf من موقع Apress مجانًا تمامًا وبتحميل مباشر مع العلم ان بيوصل سعر الكتاب فيه لـ 40 يورو بما يعادل حوالي 800 جنيه مصري لكن بسبب الاتفاقية بين المؤسستين السابق ذكرهم هتقدر تحمل اي كتاب مجانًا تمامًا وبطريقة شرعية 100%.

لو حابب تعرف أكتر بخصوص الاتفاقية دي اقرأ المنشور ده http://bit.ly/2DXqcXU

طريقة التسجيل في موقع Apress وتحميل الكتب pdf

الموضوع بسيط جدًا وخطواته كالآتي:

1- هتدخل على الموقع من خلال اللينك ده: يمكنك الدخول الى الموقع من هنا

2- من Login هتدخل على Account.

3- هيفتح معاك صفحة لتسجيل الدخول هتنزل لتحت عند Sign up.

في اول خانتين هتكتب الاسم الاول والاسم الاخير ليك والايميل بتاعك (ويكون شغال علشان هتحتاج تفتحه في الخطوات اللي جايه)
بعدين في خانة الـ Password اكتب على الاقل اي 6 ارقام وحرف علشان الباسوورد يتقبل وارجع اكتب نفس الباسوورد تاني في
خانة الـ Password Confirmation.

4- بعد ما تكتب بياناتك اضغط على Register.

5- بعد الخطوات دي هتقفل الموقع وتفتح الايميل اللي سجلت بيه هتلاقي رساله جتلك من الموقع هتفتحها وتدخل من اللينك اللي فيها زي الصوره وبكده تبقى فعلت الاكونت بتاعك على الموقع وتقدر تحمل أي كتاب مجانًا زي ما هنشرحلك في الخطوات اللي جايه.

ملحوظة: قبل ما نشرح خطوات التحميل مجانًا احب اوضحلك ان كل الكتب دي باللغة الانجليزية وده هيفيدك جدا خصوصا لو مستواك ضعيف في اللغة لإنك هتطور من لغتك بجانب قراءتك في المجال اللي بتتعلمه.

وعلشان تعرف اكتر إزاي تقرا بشكل عملي وتطور من الانجليزي في نفس الوقت ادخل هنا 

( تحميل كتب pdf وترشيحات لكتب مفيدة ) هتلاقي النصيحة في نهاية الشرح فيه.

لتحميل اي كتاب من موقع Apress مجانًا

بعد ما عملت أكونت على الموقع هتلاقي قدامك كتب من مجالات متنوعة ومهمة جدًا وعليها الاسعار بتاعتها لكن انت كمصري هتقدر تاخدهم مجانا بإنك 1- من CATEGORIES تختار اي مجال تقني انت عايز تقرأ فيه.

2- هتختار الكتاب اللي عايز تحمله وتدخل عليه هيفتحلك صفحة فيها الكتاب ومعلومات عنه و اهم حاجه الجملة اللي باللون الأخضر فوق هتضغط على Click Here فيها زي المثال في الصورة.

3- هيدخلك على الصفحة التابعة لمؤسسة Springer ومنها تقدر تحمل الكتاب بصيغة pdf مجانًا وبتحميل مباشر زي الصورة دي

( لو الرسالة الخضرة دي ما ظهرتش، هتلاقي في الموقع فوق مربع gray مكتوب فيه It seems that you're in Egypt.We have a dedicated site for Egypt اضغط على كلمة Egypt وبعدها افتح الكتاب اللي عايزه وكمل الخطوة رقم 3 عادي )

بكدة انت معاك محتوى لكتب قيم جدًا ومجاني تمامًا تقدر تحمل منه في أي وقت من خلال الاكونت بتاعك وتطور من نفسك لان المجالات اللي موجودة في الموقع هي الحاضر والمستقبل ليك.

لو عندك اي استفسار بخصوص التسجيل او تحميل الكتب سيب الاستفسار بتاعك في التعليقات تحت وهنرد عليك ان شاء الله..
وإتأكد إننا بنبذل أقصى مجهود علشان نوفر محتوى يليق بيك، فنتمنى ان تشارك المقال مع أصدقائك علشان توصل رسالتنا لأكبر عدد ممكن من الطلبة.

ولو حابب تنضم للجروب الخاص بينا اضغط هنا اتعلم اللى بتحبه من بيتك " نادي القراءة العمليه "