ديجيتال ماركتنج | دليلك الشامل لمعرفة كل ما يخص التسويق الرقمي ومصادر للتعلم

في البداية وقبل ما ندخل في موضوعنا، وكلامنا عن الديجيتال ماركتنج خلينا نشوف احصائية
كان عاملها موقع أراجيك من حوالي سنة، الحقيقة إنها كانت إحصائية غريبة جدا

الاحصائية بتقول ان كل سنة بيدخل بيدخل مجال الديجتال ماركتنج 15 الف شخص متدربين،
وعاوزين يتعلموا، وده شئ جميل

ولكن المفاجأه ان حوالي 1% من الرقم ده اللي بيكون جاهز لسوق العمل يعني حوالي 150 شخص،
وللاسف كمان مش كل ال 1% بيشتغلوا، اللي بيشتغل منهم هو 5.% بس، يعني حوالي 75 شخص

يعني لك أن تتخيل ان بيدخل المجال كل سنه 15 الف شخص وبيشتغل بس 75 شخص!!

الحقيقه أنا لما بحثت ودورت عشان أعرف الأسباب اللي وصلتنا للاحصائيه دي لقيتها كالتالي:

• ال high expectations أو رفع التوقعات، بمعني ان الناس اللي بتعمل كورسات في الديجتال ماركتنج سواء أونلاين أو اوفلاين بيرفعو التوقعات جدا عند الناس، ويحاولو يوصلو ليهم انهم هيخرجو من الكورسات دي جامدين جدا في المجال ومحدش هيجي جنبهم حاجه، وده طبعا عشان الناس تتخدع وتشتري او تحجز الكورس، وطبعا الناس بعد ما تاخد الكورس ومتلاقيش ال outcome اللي كانت متخيلاه ده بيسبب ليهم احباط كتير، وده مش بيخليهم يكملوا في المجال
• السبب التاني وهو مشكلة الانجليزي اللي بتكون عائق قدام ناس كتير نفسها تتعلم أونلاين بس مش عارفه، وده بطبيعة ان العلم كله اساسه انجليزي، والمصادر العربيه القويه فيه نادره جدا
• المفهوم الغلط اللي الناس واخداه عن المجال، وهو انه ديجتال ماركتنج وسوشيال ميديا، واحنا اصلا طول النهار علي السوشيال ميديا فالموضوع سهل والشغلانه بسيطه، ويبدأ يتخيل نفسه وهو شغال بالابتوب بتاعه في starbucks والدولارات بتجيله كل اخر شهر!، وطبعا لما بيدخل بيلاقي صورة مختلفة عن خياله وان المجال بحر كبير، وتخصصاته كتير جدا فيبدأ يجيله احباط وميكملش 

الاحصائيه دي ممكن تكون سبب احباط لناس كتير،
وفي نفس الوقت ممكن تبقي دافع كبير لناس كتير لأنهم عارفين انهم لو اجتهدوا واتعلموا صح هيقدروا،
ياخدوا خطوات قوية في المجال ويكون ليهم مكانه محترمة

ازاى تتعلم التسويق الرقمي أو مجال الديجيتال ماركتنج بشكل مؤثر؟

تخصصات التسويق الرقمي وكورسات ديجيتال ماركتنج تساعدك تبدأ:

1- السوشيال ميديا ماركتنج: 

هي من اسمها وهو التسويق علي وسائل التواصل الاجتماعي أو السوشيال ميديا،
ولعل أشهر منصات السوشيال ميديا هما الفيسبوك وانستجرام وتويتر

طيب اتعلم واحترف المنصات دي منين؟
خليني أقولك اني افضل مكان تتعلم منه اي حاجه هي المصدر الرئيسي بتاعها، "أهل مكة أدري بشعابها"
يعني لو عايز تتعلم فيسبوك وانستجرام، في منصة اسمها Facebook blueprint ،

الفيسبوك عامل عليها كورسات شارح كل شئ عن المنصتين وتقدر تخلي الكورسات دي بالعربي
وكمان وتاخد شهادة من الفيسبوك، لو انتو عاوزين نعمل فيديو شرحي عملي للمنصه قولولنا في كومنت وهنعمله..

وبالنسبة لإعلانات الفيسبوك اللي بتمثل عقبه كبيره لناس كتير من اللي شغالين
 في مجال الديجتال ماركتنج فمفيش مصدر أفضل من موقع jon loomer

أما لو عايز تتعلم تويتر فعليك وعلي twitter flight school،
هي زي منصة الفيسبوك كده، ولكنها خاصه بتويتر فقط