ملخص كتاب فن اللامبالاة pdf - الذي يرشحه محمد صلاح - جيل يقرأ
رابع كتاب معانا فى سلسلة مقالات تلخيص الكتب، واللي هدفها اننا نلخصلك أحسن كتب فى أكتر من مجال، ومن أعظم الخبراء فى مجالات مختلفة تهمنا كلنا، يعنى لو انت مش بتحب تقرأ يبقى لازم تتابع الفقرة دي وتطبق المعلومات اللى فيها عشان هتوفر عليك كتير.
مقدمة عن وهم التنمية البشرية:
النهاردة هنتكلم على أكبر وهم بيتباع للشباب اليومين دول، وهو وهم التنمية البشرية، الوهم اللي بيتباع للناس في صورة التفكير الإيجابي، فكر بشكل إيجابي وكل مشاكلك هتتحل معظم الكتب مبنية على فكرة التفكير الإيجابي، وبعض الناس اللي مسمين نفسهم مدربين تنمية بشرية، ويفضل يقولك في كلام إنجليزي على كلام عربي ويفضل يصرخ ويزعق وينفخ فيك، وانت عمال تتنفخ تتنفخ تتنفخ وفي الآخر كل النفخ ده بيروح على الفاضي لإن الكلام ده مابيجبش أي حاجه على المدى الطويل.النهاردة هنتكلم عن البديل لفكرة التفكير الإيجابي النهاردة هنتكلم عن فن اللامبالاة
إنك تفضل تطور في نفسك، علشان تكون شخص سعيد وناجح في حياتك ده مابيعتمدش على شوية مشاعر إيجابية وشوية تحفيز، وإنك تبص على نص الكوباية المليان.
زي ما في positive emotions - مشاعر إيجابية، في بردو negative emotions - مشاعر سلبية
والمشاعر السلبية مهمة جدا علشان تطور في نفسك ماينفعش إنك تتجاهل المشاعر دي وتقول إن أنا هبص للحياة بإيجابية، وده لإن السلبية جزء مهم جدًا في حياة الإنسان والكاتب بيسميها فن اللامبالاة.
هنقسم فن اللامبالاة لأربع أفكار رئيسية بس قبل مانتكلم عن الأفكار دي خلينا نعرف
يعني إيه فن اللامبالاة؟
اللامبالاة هنا مش معناها إنك تطنش الناس وإنك تتجاهل جميع الناس، وتعمل اللي في دماغك، لكن فن اللامبالاة معناه إنك تعرف إزاي تُبالي بالحاجات المهمة في حياتك، وإمتى تطنش الحاجات اللي انت مش محتاجها في حياتك سواء كانت أشياء أو أفعال بتعملها أو أشخاص بيعطلوك إنك توصل للسعادة والنجاح في حياتك.فن اللامبالاة في 4 أفكار رئيسية:
أول فكرة لازم تفهمها في فن اللامبالاة هي the backwards law - القانون الخلفيالقانون ده بيقول
"if pursuing the positive is negative, then pursuing the negative generates the positive"
يعني ببساطة كده لو إنت بتحاول دايمًا تكون شخص إيجابي ده في حد ذاته شئ سلبي أما إنك تحاول تتقبل الأشياء السلبية اللي عندك ده في حد ذاته شئ إيجابي.
المشاكل والمشاعر السلبية هي حاجات بتساعدك إنك تتقدم في حياتك، الشخص اللي بيلعب حديد علشان يقدر يعمل الجسم اللي عايز يوصله لازم يتعب جدًا، رجال الأعمال اللي أسسه شركات ناجحة مَروا بمشاعر سلبية كتير جدًا لما خسروا فلوس كتير وفشلوا مرة واتنين وتلاتة لحد ما قدروا يوصلوا للمشروع الناجح اللي عاوزين يوصلوله، وده يجبنا لنقطة مهمة جدًا وهي
(life is not pain-free - الحياة ليست خالية من الألم)
تاني فكرة مهمة جدًا هي you are always choosing - انت دائمًا بتختار
في كل الأحوال هنعاني، وفي كل الأحوال هنمر بمشاكل فعشان كدة الأولى إنك دايمًا تختار المشاكل اللي انت عايز تمُر بيها. يعني مثلا لو انت محتار انك تعمل مشروعك الخاص ولا تشتغل في شركة في الحالتين دول هيكون عندك مشاكل،في مشروعك الخاص هتلاقي نفسك بتشتغل ساعات كتير، هتلاقي نفسك بتعاني جدًا انك تحاول تعمل علاقات علشان تقدر تبني مشروعك خصوصًا في بدايته، أما لو كنت شغال في شركة هتلاقي نفسك إنك كل يوم بتصحى الصبح بدري، وبتشتغل عند حد ممكن تكون مش بتحبه أو بتشتغل لساعات أكتر علشان قالك تعمل حاجه مفروضه عليك.
انت اللي في الآخر بتختار مش هتقدر تهرب من المشاكل، لكن دايما هتقدر تحدد نوع المشاكل اللي انت بتحاول تحلها، وحل المشاكل دي هي اللي بتخليك توصل للنجاح هي اللي بتساعدك انك تكون انسان سعيد في الشغلانه اللي انت بتعملها أو في الشئ اللي أنت بتعمله في حياتك.
وده يوصلنا لنقطة مهمة وهي (happiness requires struggle - السعادة تحتاج إلي الكفاح)
هييجي واحد يقولي: "أنا إيه اللي يخليني أتعب وأعاني وإيه اللي يخليني أحس بالمشاعر السلبية دي، أنا عايز أحس بإيجابية علشان أنا مش قادر استحمل، الحياة دي صعبة جدًا عليا، وأنا مش قادر أتحمل حراام كفاايه بئا"
معلش معلش أنا حاسس بيك وعشان كده هقولك إن الفكرة التالته والمهمة جدًا في انك تفهم إزاي تطبق فن اللامبالاة هي
القيم - values:
وخلينا نروح هنا لأهم جملة في الكتاب وهي "there is no value in suffering when it is done without purpose"
لا توجد قيمة للمعاناة إذا تمت بدون هدف.
هنتكلم عن اتنين واحد اسمه بيت بيست والتاني اسمه ديف ماستاين الاتنين كانوا بيلعبوا بفرق موسيقية شهيرة جدًا ديف ماستاين كان بيلعب في فرقة metallica الشهيرة وبيت بيست بيلعب في فرقة the beatles الشهيرة
الاتنين حصلهم نفس الموقف الاتنين انطردوا من الفرقة بتاعتهم وتم تبديلهم بحد تاني والفرقتين نجحوا نجاح كبير من غير الاتنين دول
طبعا بيت بيست وديف ماستاين الاتنين زعلوا جدًا علشان الفرقة بتاعتهم اللي اشتغلوا معاها سنين كتير سابتهم ونجحت من غيرهم ده بيحسسهم بالفشل، ديف ماستاين كمل في طريق الغناء، وعمل فرقة لواحده اسمها megadeth الفرقة دي نجحت نجاح كبير جدا لكن بالرغم النجاح الكبير ده ماقدرتش توصل للنجاح اللي وصلته فرقة metallica علشان كده ديف ماستاين كان طول عمره زعلان
بالرغم انه كان محقق نجاح كبير في الفرقة بتاعته، أما بيت بيست على الناحية التانية فأول لما ساب فرقة the beatles اتجه لمجال الخدمة المدنية، اشتغل في حاجة بسيطة جدا وابتعد عن الأضواء والشهرة، وركز إنه يستقر اكتر ويتجوز ويكون عيلة لكن برغم الحياة البسيطة دي بعد ما كان مشهور جدا بيت بيست كان سعيد أكتر بكتير جدا من ديف ماستاين
بيت بيست اختار قيمة كويسة وهو انه يكون عيلة انه يهتم بحياته العائلية ويهتم بمراته وأولاده على عكس ديف ماستاين اللي كان قيمته في الحياة انه يوصل للمجد والشهرة والفلوس الاتنين مَروا بنفس المشكلة تقريبا، والاتنين مَروا بنفس المشاعر السلبية لكن واحد اختار قيمة كويسة والتاني اختار قيمة سيئة.
القيمة بتاعتك هي بوصلتك، قيمتك بتحدد سعادتك ونجاحك في حياتك ممكن تختار قيم كويسة زي الصدق، الأمانة، احترام الناس، احترام المواعيد او ممكن تختار قيم سيئة لحياتك زي انك تتبع شهواتك أو انك دايما تفكر في الفلوس أو الشهرة كأساس لحياتك، أو انك دايما تهتم بآراء الناس سواء كانت صح أو غلط كل الحاجات دي بتعتمد عليك أنت، أنت اللي بتختار حياتك.
القيم الكويسة ممكن تتعلمها من دينك أو من خلال قراءة الكتب أو انك تتعلم من ناس أكتر خبرة منك في الحياة، ولو انت لسه بتقرأ المقال لغاية دلوقتي، وقررت انك تجيب ورقه وقلم، وتكتب القيم الكويسة اللي هتمشي عليها في حياتك يبقى أنت كدة بدأت في طريق فن اللامبالاة، بدأت فعلا تحط اولوياتك في حياتك.
أي حد مالوش علاقة بالقيم دي تجاهله تماما لو أنت فعلا عايز تستمر في النجاح بتاعك يبقى لازم تبعد عن الاشخاص أو الافعال اللي مالهاش علاقة بالقيم دي تجاهلهم تماما واستمر في طريقك.
الموت هو الحاجة الوحيدة اللي كلنا متفقين عليها كلنا هنموت كلنا فى نفس المركب علشان كدة حاول تستخدم الموت كـ عظة ليك كحاجة تفكرك بأولوياتك وبهدفك اللي مبني على القيمة بتاعتك كل ما تقرأ عن الموت وتفكر نفسك بيه ده هيساعدك فعلا انك تعرف انت عايز إيه في حياتك.
ده كان تفريغ لـ ملخص كتاب فن اللامبالاة - The Subtle Art of Not Giving a F*ck من قناة جيل يقرأ، مع بعض التعديلات الطفيفة بما يناسب صياغة المقال.
تلخيص كتب أخرى:
تلخيص كتاب قوة العادة - The Power Of Habit للكاتب تشارلز دوهيج
ملخص كتاب التأثير المركب - Compound Effect "سحر الخطوات الصغيرة"
كتاب الأب الغنى والأب الفقير - كيف تدير أموالك بذكاء؟
ولو عايز نكتب ملخص لكتاب معين اكتبلنا اسمه في التعليقات.
لو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادي القراءة العملية "
الاتنين حصلهم نفس الموقف الاتنين انطردوا من الفرقة بتاعتهم وتم تبديلهم بحد تاني والفرقتين نجحوا نجاح كبير من غير الاتنين دول
طبعا بيت بيست وديف ماستاين الاتنين زعلوا جدًا علشان الفرقة بتاعتهم اللي اشتغلوا معاها سنين كتير سابتهم ونجحت من غيرهم ده بيحسسهم بالفشل، ديف ماستاين كمل في طريق الغناء، وعمل فرقة لواحده اسمها megadeth الفرقة دي نجحت نجاح كبير جدا لكن بالرغم النجاح الكبير ده ماقدرتش توصل للنجاح اللي وصلته فرقة metallica علشان كده ديف ماستاين كان طول عمره زعلان
بالرغم انه كان محقق نجاح كبير في الفرقة بتاعته، أما بيت بيست على الناحية التانية فأول لما ساب فرقة the beatles اتجه لمجال الخدمة المدنية، اشتغل في حاجة بسيطة جدا وابتعد عن الأضواء والشهرة، وركز إنه يستقر اكتر ويتجوز ويكون عيلة لكن برغم الحياة البسيطة دي بعد ما كان مشهور جدا بيت بيست كان سعيد أكتر بكتير جدا من ديف ماستاين
بيت بيست اختار قيمة كويسة وهو انه يكون عيلة انه يهتم بحياته العائلية ويهتم بمراته وأولاده على عكس ديف ماستاين اللي كان قيمته في الحياة انه يوصل للمجد والشهرة والفلوس الاتنين مَروا بنفس المشكلة تقريبا، والاتنين مَروا بنفس المشاعر السلبية لكن واحد اختار قيمة كويسة والتاني اختار قيمة سيئة.
القيمة بتاعتك هي بوصلتك، قيمتك بتحدد سعادتك ونجاحك في حياتك ممكن تختار قيم كويسة زي الصدق، الأمانة، احترام الناس، احترام المواعيد او ممكن تختار قيم سيئة لحياتك زي انك تتبع شهواتك أو انك دايما تفكر في الفلوس أو الشهرة كأساس لحياتك، أو انك دايما تهتم بآراء الناس سواء كانت صح أو غلط كل الحاجات دي بتعتمد عليك أنت، أنت اللي بتختار حياتك.
القيم الكويسة ممكن تتعلمها من دينك أو من خلال قراءة الكتب أو انك تتعلم من ناس أكتر خبرة منك في الحياة، ولو انت لسه بتقرأ المقال لغاية دلوقتي، وقررت انك تجيب ورقه وقلم، وتكتب القيم الكويسة اللي هتمشي عليها في حياتك يبقى أنت كدة بدأت في طريق فن اللامبالاة، بدأت فعلا تحط اولوياتك في حياتك.
أي حد مالوش علاقة بالقيم دي تجاهله تماما لو أنت فعلا عايز تستمر في النجاح بتاعك يبقى لازم تبعد عن الاشخاص أو الافعال اللي مالهاش علاقة بالقيم دي تجاهلهم تماما واستمر في طريقك.
أما الفكرة الرابعة والأخيرة هي Death - الموت:
الموت مهم جدا في فن اللامبالاة. الموت دايما بيفكرك انك دايما لازم تُبالي بالاشياء اللي ليها علاقة بالقيم بتاعتك، لو نسيت الموت الأشياء السطحية هتكون مهمة، والأشخاص اللي مش مهمين هيكونوا مهمين، والاشياء اللي مهمة فعلا مش هتكون مهمة بالنسبالك، وعلشان كدة حاول دايما تفكر نفسك بالموت عن طريق إنك تقرأ دايمًا عن الموت سواء في كتب الدين او كتب الفلسفة المهم دايما تحاول تفكر نفسك بيه.الموت هو الحاجة الوحيدة اللي كلنا متفقين عليها كلنا هنموت كلنا فى نفس المركب علشان كدة حاول تستخدم الموت كـ عظة ليك كحاجة تفكرك بأولوياتك وبهدفك اللي مبني على القيمة بتاعتك كل ما تقرأ عن الموت وتفكر نفسك بيه ده هيساعدك فعلا انك تعرف انت عايز إيه في حياتك.
ده كان تفريغ لـ ملخص كتاب فن اللامبالاة - The Subtle Art of Not Giving a F*ck من قناة جيل يقرأ، مع بعض التعديلات الطفيفة بما يناسب صياغة المقال.
تلخيص كتب أخرى:
تلخيص كتاب قوة العادة - The Power Of Habit للكاتب تشارلز دوهيج
ملخص كتاب التأثير المركب - Compound Effect "سحر الخطوات الصغيرة"
كتاب الأب الغنى والأب الفقير - كيف تدير أموالك بذكاء؟
ولو عايز نكتب ملخص لكتاب معين اكتبلنا اسمه في التعليقات.
لو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادي القراءة العملية "