تعليم الرسم للاطفال خطوة بخطوة في المنزل (لكل المراحل العمرية)
هنقدر ننمي عندهم موهبة الرسم ومهارات كتير زى الإبداع وغيره.. وده موضوع مقالتنا النهاردة.
وقبل ما نتكلم عن تعليم الرسم للاطفال خطوة بخطوة في البيت محتاجين نجاوب على كام سؤال مهمين الاول!
وقبل ما نتكلم عن تعليم الرسم للاطفال خطوة بخطوة في البيت محتاجين نجاوب على كام سؤال مهمين الاول!
قد يهمك أيضاً: افضل دورات مجانية للاطفال اون لاين لتنمية مهارات طفلك
ليه عايز/ة طفلك يتعلم الرسم؟
فيه اسباب كتير جدا تدفعك لتعليم طفلك الرسم وهنذكر هنا بعض ايجابيات الرسم وأهميته كمهارة عند الأفراد والأطفال
لكن محتاجين تجاوب/ي ع السؤال دا مع نفسك الأول لانه هيفرق جدا في مدى الدعم اللى هيتلقاه طفلك واللى هيأثر على معدل تطوره واستمراريته.
جاوبت و اتاكدت انك فعلا عايز طفلك يتعلم الرسم وهتدعمه في دا؟ (عرفنا إجابتك في التعليقات)
تعالى نزود عندك رغبتك ونتعرف سوا على أهمية الرسم وبعض ايجابياته فى حياة الأطفال
- بيبعد الطفل عن الموبايل والتابلت والتلفزيون: اللى بيخلوه شخص مستهلك.
- بيحفز جانب الخيال والإبداع عند الأطفال وينميه اكتر
- الثقة بالنفس: الرسم بيعزز ثقة الطفل بنفسه جدا خاصة لما بيكون فيه دعم وتشجيع من الوالدين،احساس انه قادر يعبر عن نفسه ويرسم حجات من حواليه، ويلاقي غيره بيسقف ليه وبيقوله برافو اللى أنت بتعمله دا كويس بيزود ثقته في نفسه في العموم مش بس في الرسم
- الرسم بيطور جدا من مهارة حل المشكلات عند الطفل: وهو بيرسم هيتوجب عليه رسم مستطيل عشان يرسم باب، أو يعمل خط عشان يوصل عضو جسم باخر، ووقتها كل اللى عليك تساله بس ليه رسمت دا بالطريقه دي عشان تسمع حل!
- مهارة التركيز: الدقائق البسيطة ال بيقضيها الطفل يوميا وهو مركز في رسمه بتكسبه مع الوقت مهارة التركيز والانتباه لاي حاجة يعملها بعد كدا.
المهارات دي وغيرها زي الصبر وتنمية الذكاء والخيال وتوسيع الادراك والتعبير عن المشاعر بطريقة راقية اكيد هتفرق معاكي ف تربية طفلك لما يكتبسها
هل طفلك موهوب بالفطرة؟
طب لو مش موهوب ممكن يتعلم الرسم بردوا؟
الحقيقة ان كل الاطفال بيتولدوا عندهم مهارة الرسم، الا ان رعاية المهارة دي والاهتمام بيها وبتنميتها من الصغر، هو اللي بيظهرها ويطورها أو يدفنها في مهدها.
في عمر كم اقدر ابدأ اعلم طفلي الرسم؟ كيف اعلم ابني الرسم؟
الطفل من وهو بعمر الاشهر بيبدأ يميز بين الألوان وبيميل لبعضها، هنا احنا ممكن نبدأ بفعاليات فنية بسيطة، زي ان اجيب الوان مائية بوستر او جواش، واحطها على ايده ورجله واخليه يطبع بيهم على الورق
لحد ما يبدأ يمسك القلم والفرشة ويدخل في مرحلة الشخبطة العشوائية، وعند المرحلة ال بيكون قادر يسيطر على مهارات ايده العضلية بنبدأ نوجه لمهارات الرسم الاساسية
بدأ من الاشكال الهندسية ورسم الدوائر والزوايا تدريجيا لرسم الحيوانات، والطيور، والشخصيات الكارتونية المفضلة صعودا للطبيعة الصامتة واللاند سكيب والبورتريه ان شاء الله.
تعليم الرسم للاطفال خطوة بخطوة حسب الفئة العمرية
مع ترشيحات لمصادر وفيديوهات على اليوتيوب تساعد في كل مرحلة + ترشيح الأدوات المناسبةأول حاجة الأطفال أقل من سنتين، الطفل أقل من سنتين بيكون عضلاته ضعيفة، وصعب يتحكم في قلم او فرشة في السن دا فى ممكن نوفر ليه اوراق والوان مائية
ونخليه يحط ايده ويبدأ يطبع بها ويدخل الالوان على بعضها
- تعليم الرسم للاطفال من سنتين ل4 سنين:
هنوفر ليهم ألوان خشب وكراسات تلوين للأطفال ودي هتلاقوها متوفرة في معظم المكتبات
- تعليم الرسم للاطفال المبتدئين من 4 ل 7 سنين
زي الالوان الاكريليك، والاكواريل، والالوان الشمع
والفولدر دا فيه مجموعة أفكار وأنشطة متعلقة بالرسم تقدروا تمارسوها مع أطفالكم في السن دا او توجهوهم لممارستها
رابط الفولدر:
اضغط هنا
- تعليم الرسم للاطفال المبتدئين من عمر 7 ل 10 سنين
ف بنبدأ نوجه في البداية لرسم أشكال هندسية وشخصيات كرتونية بسيطة معتمدة على الأشكال الهندسية زي سبونجبوب مثلا
وفي المرحلة دي ممكن نوجه لرسم حاجات من الطبيعة زي الاشجار والورد وهكذا
ودي بعض الفيديوهات اللى ممكن تساعد الطفل في المرحلة دي: اضغط هنا
- تعليم الرسم للاطفال المبتدئين ما بعد 10 سنين
ورسم عناصر محيطه وتطبيق دا عليها بشكل يدي واقعيه اكتر للرسم، مع تعريفه بأساليب مختلفة وتحديد الأسلوب اللى يميل ليه بحيث يكمل فيه ويبقى له أسلوب خاص بيه.
ودا ممكن يتم من خلال تعريفه بالمدارس الفنية والأساليب المتبعة فيها ونسيبه هو يحدد الأسلوب اللى يعجبه ومافيش مشكله لو جرب كل الاساليب.
ودي فيديوهات تعريفية بتاريخ الفن: اضغط هنا
وفيديوهات عن الظل والضوء:
فيديو تعريف بدايرة الالوان وتكوين الدرجات المختلفة: https://youtu.be/J5VKbToUZlE
الخاتمة:
تعليم الرسم للاطفال هو شئ مهم جدا، وهيعود على الطفل بمكاسب كبيرة في المستقبل، ومين عارف يمكن الرسم يخلى طفلك حاجة كبيرة في المستقبل، زى قصص نجاح كتير لشباب واطفال قدروا يحققوا نجاحات كبيرة من الرسم، وهنا هتلاقي قصص نجاح هتخليك تعلم الرسم لطفلك دلوقتي حالا
- قصة نجاح آيه هاني مع الرسم
- تعلم الرسم من الصفر للاحتراف من منزلك - دليلك الكامل
- تعلم الرسم علي الزجاح
عرفنا عمر طفلك كام ومستواه في الرسم ايه؟
نتمنى لك رحلة ممتعة لتعليم طفلك الرسم.